Back Bronco Billy Catalan Bronco Billy Welsh Bronco Billy Danish Bronco Billy German Bronco Billy English Bronco Billy Spanish Bronco Billy Basque برانکو بیلی Persian Bronco Billy Finnish Bronco Billy French
Bronco Billy (títol orichinal, enguerada en Aragón con ixe mesmo títol) ye una cinta de cine de comedia dramatica de l'anyo 1980 dirichida por Clint Eastwood seguntes un guión orichinal de Dennis Hackin, con una banda sonora orichinal de Snuff Garrett, una dirección de fotografía de David Worth, una producción cinematografica de Dennis Hackin y Neil Dobrofsky ta las productoras Warner Bros. y Second Street Films, y con un elenco que se composa, entre d'atros, por os actors Clint Eastwood, Sondra Locke, Geoffrey Lewis, Scatman Crothers, Bill McKinney, Sam Bottoms, Dan Vadis, Sierra Pecheur, Walter Barnes, Woodrow Parfrey, Beverlee McKinsey, Doug McGrath, Hank Worden y William Prince.
Billy "Bronco Billy" McCoy ye qui diriche un circo ambulant con un espectaclo ambientau en o "Far West" sin guaire exito, dica lo punto que fa seis meses que no puet pagar a los suyos treballadors. Bel día visita la casa d'o lugar d'un pueblo ta solicitar un permiso ta la instalación d' suyo espectaclo y casualment se i troba con Antoinette Lily, qui ye en ixe mesmo lugar ta casar-se. Tanimientres, Antoinette disprecia a su futuro mariu con qui nomás se casa porque amenista casar-se antis de cumplir 30 anyos ta recibir un herencio. Pero lo día dimpués d'a voda o mariu d'ella ha desapareixiu con os diners y con l'auto d'a muller, qui decide demanar aduya a Billy. Como Billy amenista substituyir a la suya estrela en un numero con cutiellos en haber resultau ferida, accepta la oferta.
Bronco Billy s'ambienta en os estaus d'Idaho y Montana en a epoca actual d'a cinta (1980) y las suyas escenas se filmoron en bellas localidaz d'Idaho y Oregón en os Estaus Unius.[2]